Societat / Història / Notícia patrocinada

Er Institut d’Estudis Aranesi-Acadèmia Aranesa dera Lengua Occitana revire era Constitucion Espanhòla ar aranés

Era lei suprema der Estat espanhòl ei disponible en occitan aranés en ua edicion bilingüe castelhan-aranés publicada pera Bibliotèca Juridica deth Boletín Oficial del Estado (BOE)

Era Constitucion Espanhòla de 1978 ei revirada ar aranés per Institut d'Estudis Aranesi-Acadèmia Aranesa dera Lengua Occitana (Fòto: IEA-AALO)

A compdar d’aguesta tardor, dejà ei disponible era version en aranés dera Constitucion Espanhòla que regís er Estat Espanhòl a compdar de 1978, damb un trabalh realizat e publicat per Institut d’Estudis Aranesi-Acadèmia Aranesa dera Lengua Occitana (IEA-AALO).

Aguest document permet consultar eth tèxte dera norma fondamentau der Estat espanhòl en aranés, ath cant dera version en castelhan, e facilite atau er accès des aranesi ath sòn contengut ena sua pròpria lengua.

Era publicacion supause ua naua oportunitat entà ampliar era preséncia dera lengua occitana aranesa en un encastre tan important coma eth juridic e administratiu, e entà favorir eth sòn emplec en toti es encastres dera societat.

Neishement dera version en aranés

Er autor dera sua revirada a estat eth membre e expresident der IEA-AALO, Jusèp Loís Sans. Eth 3 de noveme de 2025 recebèc er encargue de mans deth director deth BOE (Boletín Oficial del Estado), Manuel Tuero, en marc dera amassada deth “Consejo de las lenguas oficiales” deth Ministèri de Politica territoriau e memòria democratica, celebrat en Sant Sebastian. Damb era preséncia der IEA-AALO en aguest “Consejo”, ère eth prumèr viatge qu’er aranés (occitan) auie representacion ena Administracion Generau der Estat.

D’aguesta amassada en gessec un convèni a tres: eth BOE, er IEA-AALO e eth DOG (Diari Oficiau dera Generalitat).

Sans hec era prumèra revirada dera norma juridica en aranés e siguec sometuda ara valoracion, consideracion e correccion dera seccion aranesa der Institut d’Estudis Aranesi, en diuèrses amassades.

En abriu de 2026 er IEA-AALO aprovèc eth document, e s’envièc as servicis deth BOE e pendent aguesta tardor era Constitucion Espanhòla en aranés dejà ei oficiau e disponibla en papèr e online. Era edicion pòt consultar-se e descargar-se gratuïtament ena web deth BOE o demanar-la dirèctament ar Institut d’Estudis Aranesi.

Per qué ei important qu'era Constitucion Espanhòla sigue revirada ar aranés?

Anàlisi Jusèp Loís Sans
autor dera revirada dera Constitucion ar aranés
  • Per qué ei important qu'era Constitucion Espanhòla sigue revirada ar aranés?
    Anàlisi Jusèp Loís Sans
  • En 2019 se publiquèc era prumèra Constitucion en aranés

    Enes eleccions ath Conselh Generau d’Aran de 2019, es naui conselhèrs damb representacion ena cramba aranesa, jurèren eth cargue damb sus un libre que contenguie era Lei d’Aran. Er alavetz secretari deth Conselh, David Montalà, volèc qu’amassa damb era Lei d’Aran i siguesse era Constitucion. Eth madeish, dempús, en hec era traduccion e prologuèc era publicacion.

    Se hec ua tirada de 50 exemplars que se distribuïren pes ajuntaments e pedanies dera Val d’Aran. Per rasons que se desconeishen, sonque s’a trapat, enguan, un exemplar en 2026, en Ajuntament de Naut Aran.

    Coma t’afècte aguesta notícia?

    Era Constitucion espanhòla de 1978 ei era norma suprema der ordenament juridic espanhòl, ara que son subjècti toti es poder publics e ciutadans d’Espanha, des dera sua entrada en vigor eth 29 de deseme de 1978.

    Damb era aprobacion deth tèxte en aranés, ara madeish, era Constitucion en aranés ei era version mès actualizada que i a aué sus eth tèxte espanhòl.

    Gràcies ad aguesta revirada dera Constitucion ar aranés, totes es lengües oficiaus d’Espanha dejà compden damb era sua version. De manèra, que s’a metut fin e finau, a ua demana e a ua manca que i auie de respècte pera totalitat des lengües oficiaus der Estat.

    Er ABC dera notícia

    Constitucion Espanhòla: ei era norma suprema der ordenament juridic espanhòl, ara que son subjècti toti es poder publics e ciutadans d’Espanha

    Norma juridica: ei ua norma obligatòria emetuda per ua autoritat legitima qu’impose déuers, autrège drets e preve sancions entà regular era conducta sociau, en tot caracterizar-se per èster eteronòma, coercibla e bilaterau.

    Revirar: Exprímer en ua lengua tot çò qu’ei escrit o s’a exprimit abans en ua auta lengua.

    Institut d’Estudis Aranesi-Acadèmia Aranesa dera Lengua Occitana: ei ua institucion academica qu’a per objècte er estudi dera varietat aranesa der occitan ena Val d’Aran e er establiment de critèris reguladors cossent damb es principis dera gramatica occitana de Louis Alibert e es Normes ortografiques der aranés, coma part integrant der espaci lingüistic e culturau occitan.

    BOE (Boletín Oficial del Estado): ei eth jornalièr oficiau nacionau espanhòl dedicat ara publicacion de leis, disposicions e actes d’insercion obligatòria.

    Ordenament jurídic: Conjunt de normes e principis juridics que regissen ua societat.

    Encastre: cada ua des zònes separades d’un document, soent delimitada graficament, que s’active independentament dera rèsta.

    Activitat

    Privacy Overview
    Junior Report

    This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.

    Galetes estrictament necessàries

    Les galetes estrictament necessàries han d'activar-se sempre perquè puguem desar les preferències per a la configuració de galetes.

    Galetes de tercers

    Aquest lloc web utilitza Google Analytics i Google Tag Manager per recopilar informació anònima com el nombre de visitants del lloc i les pàgines més visitades.

    El mantenir aquesta galeta habilitada ens ajuda a millorar el lloc web.